KUCH RISHTE

Kuch rishte
aksar samne khade ho jate hain
apni ahmiyat jatate hain aur
sath rehne par muskurakar
ankahi see batein kah jate hain

Kuch rishte
gumnam uljhanon ki guthhi see
kuch bhule bisre apni cheezon
se bhari purani potli see
jispe waqt ki dhul jam gayee hai

Kuch rishte jaise
taazi bani kheer ko fridge mein daal gaya ho koi
sitaar ke taaron ko pancham mein ched chor gaya ho koi
jeth mein udati dhul par ek cheenta mar gaya ho koi

Kuch rishte
ab aksar samne khade ho jate hain
kheer thandi ho gayee hai yaad dila jate hain
aadhi pyaasi dhartee abhi kahin garm hai
angithee mein aag abhi bhi hai
aankhein bhi kahin nam hain
aao chalein chal ke mana le kyunki
safar to abhi kaafi baaki hai

Kuch rishte 

SUBAH

Dhundh ke thandak se alasayi subah
hare ghaas par os ki bundon ke sparsh see subah
chat par raat bhar tanage geele kapdonke sugandh see subah
tam ke chadar par laal rang bikherti subah


Kisi bade bargad par ghonslon mein chahchahati jaagti subah
ghar ke kono mein dabi nami ko uthati subah
kinare baithe navik ko nadi mein utarti subah
bailon ki ghantiyan harwahe ke chehre ki chamak see subah

Dhuyein se bhara rasoi aur wahan aansun bahati subah
darriche par bichhi kurrsiyan aur wahan
apnon ke beech chai ki chuski leti subah
sagar ko munh kiye balkoni se gunjti bhairrav rraag see subah

Kahin kisi park mein baithe budhon ki hansi see to
kahin dourti pasine se sani haafti subah

SOMEWHERE IN CENTRAL INDIA

It has been an year since I became a part of indian railways and i can assure you that it is getting deeper and deeper into my veins. the belongingness with IRICEN is one of the reasons.
                            After hectic examinations,throttling sports activities ,vibrant cultural functions,tonnes of gyming and the last but not the least a perfect meeting with the director;today(20th oct),its time to say good bye .Freinds having new IRSE logo on their chests are hugging each other.we are going to miss binni's mesmerising eyes,suryaputra divyansh,chasing binni and appu.
                           I like Itarsi-manikpur section(deisel loco hauled) the moston pune patna route.When the sun goes down,train starts stopping at stations having 3-4 passengers only.this shows the loneliness and closeeness to the nature of these places.the earthy smell of the unburnt coal,a frying corn put on angithi, a lady running with her potli to catch the last general coach, an old man getting down at station with his peti ; probably are the normal affairs here. A new TT boarded at satna was knowledgable enough to share facts about this abandoned area.dried and burnt trees,ruined markets were telling terror stories of datua dakoit there.
                         We were very lucky to have our tickets confirmed in this festive season and that too in 3rd AC.i love the liveliness and freshness of its coupe and it becomes greener if you find girls with a combination of chirping like birds as well as calmness like ocean.One can easily have a bird's eye view on all the activities sitting at side upper.Different jobs tune engineers to vibrate with different frequencies.It can be noticed as software guys ,busy with mobile games and TV serial series while sarkari guys,talking sense and observing things.They(sarkari) are always busy in selecting and rejecting photos in search of their soulmates.yeah! they will always be in demand,thanks to bureaucracy.The excitement of meeting someone special has dampened the intensity of many sleepless nights.Among adults,we had an octagenarian,easily distinguished by his clothes,a money bag hanging around his belly,reading aarogya dham and books on palmistry. I was lucky to hear 71 and 99 war stories from him.
                        After few hours we caught up with road bridge running parallel to naini rail bridge. the light post on the road looked like series bulbs used in diwali decoration.As soon as we reached kumbh nagari,the calmness and the chirping both were lost from our compartment but the sole traveller was there infront of me happilly and politely asking," where are you going, patna?" Its 23 hrsand as usual my friends are busy in chatting and watching matrimonial profiles.I will be busy talking to the warrior very soon in search of my new characters.
 TO BE CONTINUED

CHHITEIN

Chhitein
Jo bujhti sulagti phuljhari ki aawaz see
aare tirche mote patle phoolon ke lachhon see

                      Thirkan paani se bhare jaltarang ke chote bade pyalon ki
                      khushboo kache ghare ki bheengne ki
                      mom ke boondon see; garmi tapkte chhajje ki

Aangan mein bheegta mitti ka chulha
aadhe bhare, kichad se sane chote bade gaddhe
lagta hai matmaila rang pichkaari se chidka ho kisi ne
canvaas jo sukha tha abhi bhingoya hai kisi ne

                            ghantiyon ki sargam se taal milate bailon ke kadam
                            kisi nukile kainchhee sa dhartee ke chhati ko cheerta hal
                            lagta hai purane kisi kamre ka darwaja khola ho kisi ne
                            saawan mein raag malhaar ki taanon ko cheda ho kisi ne

Cheetein
 Jo chulbule ,machalte khud se baatein karte 2 saale ke bachhe see
 aanch pe pake soundhi khushboo wale liitti aur chokhe ki

 Cheetein
 Jo bujhtee sulagtee phulajhari ki aawaz see
 aare tirche mote patle phulon ke lacchon see

BAHUT DOOR NIKAL AYA HUN AB

Bahut door nikal aya hun ab
manzil jo dhundhli thi
bade jatan se banayee thi
jaan padta hai ki

                      Kisi ne uspe doosra koi rang chadha diya hai
                      rang jo mera nahin hai, pehle jaisa dikhta nahin hai

Lighthouse jis se wo rasta roushan hota tha
band kamre ke ghhupp andhere mein kahin kho sa gaya hai
sidhiyaan jo kamre  ke choukhat tak gayeen hain
ab chat tak nahin jaati

Bahut door nikal aya hun ab

                     Tadke jab chale the
                     pahari nadi see raftaar thi
                     shankhnaad see hunkaar thi
                     rukavatein tik na sakin,
                     ghatayein baras na sakin
                     log mile, sath hue pad bichad gaye

Aj shaam hone ko hai
aur main akela hi khada hun

Badi door nikal aya hun ab

                    Kabhi kabhi bagal ke kamre se aahat aati hai
                    wo kamra pehle jaisa bada nahin hai
                    wahan andhera bhi nahin hai
                    seedhiyaan concrete ki hai,
                    railing lohe ki hai jo
                    bahut unchai tak jaati dikhti hai

Main bhi ab logon ko chadhte dekh
peeche ho leta hun
unki hansi hansta hun
ab unse rona bhi seekh leta hun

                    Bahut door nikal aaya hun ab
                                               

APNI SEE WO

Apni see wo ek cheez kahin kho see gayee hai
rakha tha apne hi saye mein
chilchilati dhup ,kaat tee thand se bacha ke
aj saya to wahi hai ,pehle se bada bhi hai
par na jane kyun wo murjha see gayee hai , thithur see gayee hai

                                Mere makaan ke choti suraakh wali wo roshandaan
                                hawa to aati thi jinse ,narm dhup bhi laati thi
                                sath sath wo hawa mein jhumti thi , dhup se nahati thi

Lekin ab to--

Holi ki rangoli ,diwali ki phuljhari
feeki si dikhti hai, purani , bhuli si lagti hai
raatein ab jagati hain,
subah to har roj aati hai
par chidiyon ki chahak, balkoni ki rounak nahin laati hai

                              Bistar ki silwatein
                              kisi ke nahin hone se khamosh ho gayi hain
                              farsh ki thandak
                              makhmali see nahin rahee
                              ab pairon mein chubhti hai, sui see dabti hai

Is baar jab barish hogi
sukhe ghaas mere bagiche ki fir se hari hogi
deewar pe tangi monalisa bhi hansegi
darwaje pe latka windchime bhee gungunayega

                               Is baar farsh pe farr ki garm kaleen bichayee hai
                               roshandaanon ko bhi badi banayee hai
                               ab intezaar hai! guhaar hai ki--
                               ki wo lout ke aayegi
                               abki aayee to use ruthne na dunga-- jane na dunga
                               ab intezaar hai!

REWRITING THE HISTORY

Bhagti daudti sadkein
dahartee raat beet gayee
subah to hui hai par
nayee si dikhti hai
os se sarabor hari chadar
aur aakhon mein pasari raat ki khumaari
ab ek si dikhti hai

                                  khusiyon se nahayee dhartee

                                 vishwash se bhara desh ka har kona
                                 aj fir se ek baar
                                 tiranga apna sabse uncha dikhta hai

......kal chale the sapna liye

bigul bajate josh dikhate
dhoni ke ranbankure
aj ye wold cup fir se
83 mein kahin khoya mumtaj dikhta hai----

LONAVALA KHANDALA KI YADEIN

LONAVALA KHANDALA

Shwet neer sahayadri ka cheer

harit vasundhara dhundh bhari ghata

ghaati ki god mein soya jungal

jharnon ki kalkal man mein karta dangal

                              baithe the uper makhmali hari chadar

                              luka chupi karte badal

                              pas aate chu jate tan ka anchal

                              dur kahin sulagta aangan

                              sadkon ke bebak mor

                              kinare baithe,jheelon mein nahate log

jhumtee gatee yuvaon ki toli

hukke ki kash pakode aur batatapuri

gunjti gungunati hawa

thirakti garajti ghata

bheengte chalte nange paon

lout ate hain hum apne gaon

                              van vibhag ke niwas ka ratribhojan

                              gappe ladate, tash ki choukri jamate bhaktjan

                              jugnuon ke sath raat beetana

                              ikkathe sona, doston ko sirhane banana

                              aksar yaad aa jata hai lonawala khandala jana.